Нэг линк. Хаана ч тавь. Төлбөрөө авч эхэл.

Борлуулалт эхлэхэд хамгийн түрүүнд хэрэгтэй зүйл нь заавал вэбсайт биш.

Танд магадгүй Instagram хуудас бий. Facebook групп бий. Эсвэл сургалтынхаа тухай Telegram сувгаар, үйлчилгээгээ чат дээр, бараагаа QR кодоор дамжуулан зардаг. Хүн асууна, та дүн бичнэ, данс явуулна, шилжүүлгийн зураг хүлээнэ, дараа нь төлсөн эсэхийг нэг бүрчлэн шалгана.

Эхэндээ энэ нь амархан. Харин захиалга нэмэгдэх тусам төлбөр нь борлуулалтын хамгийн удаан хэсэг болдог. «Дүн нь хэд вэ?», «Данс явуулаач», «Шилжүүлчихлээ» гэсэн чатны дунд аль захиалга төлөгдсөнийг алдах нь гайхах зүйл биш.

Тиймээс Byl дээр Төлбөрийн линк (Checkout Links) нэмлээ.

Нэг удаа үүсгэсэн линкээ хаана ч тавина. Худалдан авагч линкийг нээгээд QPay, SocialPay, Pocket зэрэг өөрт нь тохирох сувгаар төлнө. Төлбөр баталгаажмагц захиалга өөрөө бүртгэгдэнэ. Вэбсайт, API холболт, тусгай код хэрэггүй.

Нэг удаагийн checkout биш, таны борлуулалтын хаяг

API-аар үүсгэсэн checkout нь нэг тодорхой худалдан авалтад зориулагддаг: нэг хүн төлөхөд л хаагдана. Харин төлбөрийн линк нь дахин ашиглагддаг. Нэг л хаягийг хэдэн ч хүн, хэдэн ч удаа нээж төлж болно. Линк нээгдэх бүрд Byl ард нь шинэ checkout үүсгэдэг.

Энэ нь жижиг боловч чухал ялгаа. Тухайлбал та:

• гар урлалын бүтээгдэхүүнийхээ Instagram post дээр;
• сургалтын бүртгэлийн Google Form-ын дараах хуудас дээр;
• кофе шопын ширээн дээрх QR код дээр;
• үнийн санал, invoice эсвэл и-мэйлийн төгсгөлд;
• борлуулалтын ажилтны байнга явуулдаг чатны хариунд

ижил линкийг ашиглаж болно.

Өөрөөр хэлбэл, төлбөр авах бүртээ шинэ QR үүсгэхгүй, дансны дугаар бичихгүй, өөрийн системдээ checkout хийлгэхийн тулд хөгжүүлэлт хүлээхгүй. Линк нь таны тухайн бүтээгдэхүүний үргэлж нээлттэй касс болно.

Тавхан минутанд юу тохируулж болох вэ

Dashboard дээрх Төлбөрийн линк цэснээс «Шинэ линк» дарж эхэлнэ. Дараа нь ямар бүтээгдэхүүн, ямар нөхцөлөөр зарах вэ гэдгээ л сонгоно.

Бүртгэлтэй бүтээгдэхүүнээ сонгож болно. Ингэвэл тухайн үнийн үлдэгдэл болон бүтээгдэхүүнд хамаарах хөнгөлөлтийн тохиргоо линк дээр автоматаар үйлчилнэ. Үнээ дараа нь өөрчилсөн ч хуучин линкээ дахин тараах шаардлагагүй.

Мөн нэр, дүнг нь шууд бичиж болно. Энэ нь нэг удаагийн үйлчилгээ, эвент, захиалгат ажил, хурдан туршилтад их тохирно. Бүтээгдэхүүний каталог бүрдүүлэлгүйгээр төлбөр авч эхэлнэ гэсэн үг.

Түүн дээр дараах сонголтууд бий:

Ингээд «хуудсыг хэзээ барих вэ?» гэдэг асуулт таныг борлуулалт эхлүүлэхээс саатуулахаа болино.

Үлдэгдэлтэй бараа бол бүр илүү чухал

«Бэлэн мөнгө шилжүүлээрэй» гэсэн борлуулалтын урсгалд үлдэгдэл ямагт араас нь хоцордог. Нэг барааг хэдэн хүн зэрэг асуухад аль нь түрүүлж авсныг чатнаас таах хэрэг гарна.

Төлбөрийн линкээ Byl-д бүртгэлтэй бүтээгдэхүүнтэй холбоод зарах тоо тохируулсан бол энэ ажлыг систем хийж өгнө. Төлж буй хүний сонгосон бараа түр хадгалагдаж, давхар зарагдахаас хамгаалагдана. Төлбөр амжилттай болбол үлдэгдэл нь хасагдана. Дууссан бол линк шинэ захиалга авахгүй; нөөцөө нэмэхэд автоматаар дахин нээгдэнэ.

Энд хамгийн таатай нь линкээ хаах, шинэчлэх, дахин тараах гэсэн тусдаа ажил гарахгүй. Таны борлуулалтын хаяг хэвээрээ, харин ар дахь боломжит үлдэгдэл нь үнэн зөв байна.

Төлбөр орсныг таахаа больё

Төлбөрийн линкээр хийгдсэн худалдан авалт Byl-ийн энгийн checkout шиг ажиллана. Амжилттай төлөгдөхөд самбарт бүртгэгдэж, таны идэвхжүүлсэн мэдэгдэл болон checkout.completed webhook илгээгдэнэ.

Тиймээс онлайн сургалт зардаг бол төлсний дараа эрхийг нь нээж болно. Хүргэлтийн үйлчилгээ бол захиалгыг шууд бэлтгэж болно. Өөрийн CRM эсвэл бүртгэлийн системтэй бол төлбөрийг автоматаар «төлөгдсөн» төлөвт оруулж болно.

Энэ нь багийн тань ажил, худалдан авагчийн итгэл хоёуланг нь хэмнэдэг. Худалдан авагч «хүлээн авсан уу?» гэж дахин бичихгүй; та ч гүйлгээний утга, screenshot хоёрын хооронд хайлт хийхгүй.

Таны хяналт хэвээрээ

Линк хуваалцдаг болохоор хяналт багасна гэсэн үг биш. Та линкээ хүссэн үедээ засаж, идэвхгүй болгож, буцаад идэвхжүүлж чадна. Өөрчлөлт нь дараагийн нээсэн хүнд шууд үйлчилнэ.

Худалдан авалт бүрийн түүх — и-мэйл, дүн, огноо — линкийн дэлгэрэнгүй хуудсанд харагдана. Төлбөр хийгдсэн линкийн түүх хадгалагдана, тиймээс өмнөх борлуулалт чинь тасрахгүй. Хэрэглэхээ больсон бол устгахын оронд идэвхгүй болгочихно.

Линк өөрөө хугацаагүй, харин түүнийг нээж үүссэн checkout нь 24 цагийн дотор төлөгдөх ёстой. Энэ нь нөгөө талд нь тодорхой, эмх цэгцтэй захиалгын түүх үлдээнэ.

Эхлэхэд тохирох гурван бодит хэрэглээ

Эвент, сургалтын суудал. «Бүртгүүлэх» товчоо төлбөрийн линк рүү чиглүүл. Утас, и-мэйлээ хамт авч, суудлын тоогоо үлдэгдлээр нь хяна.

Social commerce. Instagram bio, story, pinned post дээр нэг л линкээ тавь. Худалдан авагчид чатанд дүн асуухын оронд өөрсдөө тоо ширхэгээ сонгож төлнө.

Үйлчилгээний багц. Дизайн, зөвлөгөө, захиалгат ажил гээд бараа биш зүйлд нэр, дүнгээ шууд оруулан линк үүсгэ. И-мэйл, утсаа цуглуулаад төлбөр ормогц дараагийн ажилдаа ор.

Одоо таны хийх нэг ажил

Тест горимд ороод хамгийн их давтагддаг нэг төлбөрөө линк болгоод үзээрэй. Түүнийг өөртөө чатлаж нээгээд, худалдан авагчийн нүдээр урсгалаа алхаж үз. Хэрэв тэр туршлага тодорхой, амархан санагдвал линкийнхээ QR кодыг хэвлэ, post дээрээ тавь, багтаа өг.

Заримдаа борлуулалтыг өсгөх хамгийн зөв алхам нь том дэлгүүрийн сайт биш байдаг. Зөвхөн төлөхөд бэлэн хүнд очих нэг сайн линк байхад хангалттай.

Төлбөрийн линкээ Dashboard → Төлбөрийн линк хэсгээс үүсгээрэй. Нарийвчилсан зааврыг Төлбөрийн линк баримтаас үзэж болно.