Billing portal - Захиалгын удирдлага

Billing portal нь таны хэрэглэгч захиалгаа өөрөө удирдах self-service хуудас юм: сунгах, багц солих, цуцлах/буцаах, төлбөрийн түүхээ харах. Portal болон түүнээс илгээгдэх бүх имэйл таны брэндээр (нэр, лого, өнгө) харагдана.

Portal-д Byl данс, нууц үг шаардлагагүй — хандалт нь түр хугацааны session линкээр хийгдэнэ. Stripe-ийн customer portal-тай адил: линк бүр тодорхой хугацааны дараа хүчингүй болдог тул алдагдсан линк аюул учруулахгүй.

Хэрхэн ажилладаг вэ

Portal-ийн линк хэрэглэгчид гурван замаар хүрнэ:

1. Byl автоматаар — захиалга үүсэх, сунгалт дөхөх, цуцлагдах бүрд Byl хэрэглэгч рүү portal линктэй имэйл илгээдэг. Имэйл дэх линк нь тухайн үйлдэлд хангалттай урт хугацаагаар (жишээ нь сунгалтын сануулгынх мөчлөг дуусахаас 7 хоногийн дараа хүртэл) хүчинтэй байна.
2. Таны аппликэйшнээс — хэрэглэгч таны системд нэвтэрсэн үед "Миний захиалга" зэрэг товчоор portal руу оруулахыг хүсвэл доорх API-аар session үүсгээд хэрэглэгчийг түүний URL руу чиглүүлнэ.
3. Удирдлагын панелаас — support-ийн үед (чат, утас) харилцагчийн дэлгэрэнгүй хуудасны Billing portal → Линк үүсгэх товчоор 24 цагийн хүчинтэй линк үүсгэж, хуулж аваад харилцагчид шууд гардуулж болно.

Хугацаа нь дууссан линкээр орсон хэрэглэгчид шинэ линкийг бүртгэлтэй имэйл рүү нь илгээх боломж portal дээр санал болгогдоно — линк хэзээ ч бүрэн "үхдэггүй".

Session үүсгэх

• HTTP Method: POST
• Content Type: application/json
• URL: https://byl.mn/api/v1/projects/1/billing-portal/sessions

Параметер

Параметер	Төрөл	Заавал эсэх	Тайлбар
customer_id	Number	true	Харилцагчийн ID.

Session нь үүсгэснээс хойш 30 минут хүчинтэй. Хэрэглэгч portal-д орох бүрд шинэ session үүсгэж чиглүүлээрэй — session-ий URL-ыг хадгалж, дахин ашиглах шаардлагагүй.

Жишээ хүсэлт

BYL_PROJECT_ID="таны төслийн ID"
BYL_TOKEN="таны API token"
$ curl -X POST https://byl.mn/api/v1/projects/$BYL_PROJECT_ID/billing-portal/sessions \
    -H "Authorization: Bearer $BYL_TOKEN" \
    -H 'Accept: application/json' \
    -H 'Content-Type: application/json' \
    -d '{
          "customer_id": 12
      }'

Жишээ гаралт

{
  "data": {
    "url": "https://byl.mn/h/billing-portal/Yi7smBukXN3GbRBxTslkMCeDj10CJtqlYi7smBukXN3GbRBxTslkMCeDj10CJtql",
    "expires_at": "2026-07-23T04:40:00.000000Z"
  }
}

Ердийн урсгал:

Хэрэглэгч таны апп-д нэвтэрсэн байна
  │ "Миний захиалга" дарна
  ▼
Таны сервер POST /billing-portal/sessions дуудна
  │ хариунд url ирнэ
  ▼
Хэрэглэгчийг url руу redirect хийнэ

Portal дээр юу байдаг вэ

Portal нь тухайн харилцагчийн бүх захиалгыг нэг дор харуулна:

Үйлдэл	Тайлбар
Төлөв харах	Багц, үнэ, статус, эрхийн дуусах хугацаа, үлдсэн хоног
Сунгах	Хэдэн мөчлөгөөр сунгахаа сонгоод (сарын багц: 1–12 сар, жилийн: 1–3 жил) checkout-оор төлнө
Багц солих	Төслийн бусад recurring үнэнүүдээс сонгоно; үлдсэн хоногийн кредит шинэ дүнгээс хасагдана
Цуцлах / буцаах	Цуцлалт хүсэх, мөчлөг дуусахаас өмнө цуцлалтаа буцаах
Дахин захиалах	Цуцлагдсан захиалгаа шинээр эхлүүлэх
Төлбөрийн түүх	Өмнөх мөчлөгүүдийн төлбөрүүд

Ирээдүйд нэхэмжлэх, төлбөрийн баримт зэрэг харилцагчтай холбоотой бусад зүйлс мөн энэ portal-д нэгдэх болно.