Төслийн горимууд: Test ба Live
Byl төсөл бүр Test эсвэл Live гэсэн хоёр горимын аль нэгэнд ажиллана.
Test горим
Шинэ төсөл Test горимд үүснэ. Энэ горимд ямар ч төлбөр, баталгаажуулалтгүйгээр хөгжүүлэлтээ эхлүүлж болно: бүх зүйл Live горимтой ижил зарчмаар ажиллах бөгөөд зөвхөн гүйлгээ бүр 100 төгрөгөөр хязгаарлагдана. Ингэснээр төлбөрийн бүтэн урсгалыг эрсдэлгүй туршиж, орлого хэрхэн бүртгэгдэж байгааг харна.
Анхааруулга: Test горимд хийгдсэн гүйлгээ зөвхөн туршилтын зориулалттай бөгөөд бодит төлбөрт тооцогдохгүй.
Live горимд шилжих
Live горим нь таны төслийг бодит төлбөрийн системд холбож, хэрэглэгчдээс бодит дүнтэй гүйлгээ хүлээн авах боломжийг олгоно. Шилжихийн өмнө дараах гурван нөхцөлийг хангасан байх шаардлагатай:
- Бизнесээ баталгаажуулна
- Багц идэвхжүүлнэ — өөрт тохирох багцаа сонгоно.
- Үндсэн данс тохируулна — төслийн банкны данснуудаас нэгийг үндсэн (
primary) болгоно.
Нөхцөлүүдийг хангасны дараа Төслийн тохиргоо хэсгээс «Live горимд шилжих» сонголтыг хүссэн үедээ идэвхжүүлнэ.
Test ба Live горимын ялгаа
| Онцлог | Test горим | Live горим |
|---|---|---|
| Гүйлгээний дүн | Тогтмол 100 төгрөг | Бодит үнийн дүн |
| Бизнес баталгаажуулалт | Шаардлагагүй | Заавал шаардлагатай |
| Төлбөртэй багц | Шаардлагагүй | Идэвхтэй байх ёстой |
| Үндсэн дансны шаардлага | Шаардлагагүй | Үндсэн данс шаардлагатай |
| Ашиглалтын зорилго | Хөгжүүлэлт, туршилт | Бодит хэрэглээнд ашиглах |
Дараагийн алхам
- Баталгаажсан бизнес — Live горимын эхний шаардлага
- Банкны данс — үндсэн данс тохируулах
- Эхлүүлэх заавар — бүртгэлээс эхний төлбөр хүртэлх бүтэн зам