Терминал (QR) горим

Киоск, ПОС зэрэг банкны апп суугаагүй, хүн оролцоогүй төхөөрөмж дээр төлбөрийн хуудсыг харуулах үед банкны апп-руу үсрэх линкүүд хэрэггүй — харин QR кодыг шууд, томоор харуулах шаардлагатай байдаг. Үүнд зориулж hosted хуудсууд view=only-qr query string-ийг дэмждэг.

Дэмжигдэх хуудсууд

• Invoices: Нэхэмжлэхийн хуудас.
• Checkout: Төлбөрийн хуудас.

Хэрхэн ашиглах вэ?

Хуудасны URL хаягт view=only-qr параметрийг залгана:

https://byl.mn/h/invoice/9054/7ejYGGc0zOLa0cwWvmI33uc1ct1XzJVb?view=only-qr
https://byl.mn/h/checkout/19157/jhhXr5H9?view=only-qr

Энэ горимд хуудас дараах байдлаар ажиллана:

• Банкны апп сонгох товчнууд харагдахгүй — дэлгэцийн хэмжээнээс үл хамааран зөвхөн QPay QR код томоор харагдана.
• Хуудас төлөлтийг тасралтгүй шалгана. Энгийн горимд хэсэг хугацааны дараа автомат шалгалт зогсдог бол терминал горимд төлөлт хийгдэх хүртэл үргэлжилнэ.
• QR кодын хүчинтэй хугацаа дуусахад хуудас шинэ QR-ыг автоматаар үүсгэж харуулна — терминалын дэлгэц дээр хуучирсан, төлөх боломжгүй QR үлдэхгүй.

theme параметртэй хамт хэрэглэж болно:

https://byl.mn/h/invoice/9054/...XzJVb?view=only-qr&theme=light

Нэхэмжлэхийн хуудас

view=only-qr-тэй нээгдмэгц төлбөрийн хэлбэр сонгуулахгүйгээр QPay төлбөрийг автоматаар үүсгэж, QR кодыг шууд харуулна. Ямар ч товч дарах шаардлагагүй.

Төсөлд QPay идэвхгүй бол хуудас энгийн төлбөрийн хэлбэр сонгох дэлгэц рүү буцаж унана.

Checkout хуудас

Checkout нь баталгаажуулах алхамтай (и-мэйл, төлбөрийн хэлбэр) тул view=only-qr нь төлбөрийн алхамд үйлчилнэ: «Үргэлжлүүлэх» товч дарсны дараах хуудас зөвхөн QR код харуулна. Параметр нь баталгаажуулах алхмаас төлбөрийн алхам руу автоматаар дамжина.

Тэмдэглэл: view параметрт only-qr-ээс өөр утга дамжуулбал үл хэрэгсэж, хуудас энгийн горимоороо ажиллана.