Төслийн горимууд: Test ба Live

Byl төсөл бүр Test эсвэл Live гэсэн хоёр горимын аль нэгэнд ажиллана.

Test горим

Шинэ төсөл Test горимд үүснэ. Энэ горимд ямар ч төлбөр, баталгаажуулалтгүйгээр хөгжүүлэлтээ эхлүүлж болно: бүх зүйл Live горимтой ижил зарчмаар ажиллах бөгөөд зөвхөн гүйлгээ бүр 100 төгрөгөөр хязгаарлагдана. Ингэснээр төлбөрийн бүтэн урсгалыг эрсдэлгүй туршиж, орлого хэрхэн бүртгэгдэж байгааг харна.

Анхааруулга: Test горимд хийгдсэн гүйлгээ зөвхөн туршилтын зориулалттай бөгөөд бодит төлбөрт тооцогдохгүй.

Бизнесээ баталгаажуулж, төслийн дансаа тохируулсан бол Test горимын QPay гүйлгээ таны дансанд орно. Түүнээс өмнө Test горимын гүйлгээ Byl-ийн туршилтын мерчантаар дамжиж, Byl-ийн дансанд орно.

Live горимд шилжих

Live горим нь таны төслийг бодит төлбөрийн системд холбож, хэрэглэгчдээс бодит дүнтэй гүйлгээ хүлээн авах боломжийг олгоно. Шилжихийн өмнө дараах гурван нөхцөлийг хангасан байх шаардлагатай:

1. Бизнесээ баталгаажуулна
2. Багц идэвхжүүлнэ — өөрт тохирох багцаа сонгоно.
3. Төслийн данс тохируулна — төслийн Банкны данс хуудаснаас бизнесийн банкны данснуудаас нэгийг сонгоно.

Нөхцөлүүдийг хангасны дараа Төслийн тохиргоо хэсгээс «Live горимд шилжих» сонголтыг хүссэн үедээ идэвхжүүлнэ.

Test ба Live горимын ялгаа

Онцлог	Test горим	Live горим
Гүйлгээний дүн	Тогтмол 100 төгрөг	Бодит үнийн дүн
Бизнес баталгаажуулалт	Шаардлагагүй	Заавал шаардлагатай
Төлбөртэй багц	Шаардлагагүй	Идэвхтэй байх ёстой
Төслийн данс	Шаардлагагүй	Шаардлагатай
Ашиглалтын зорилго	Хөгжүүлэлт, туршилт	Бодит хэрэглээнд ашиглах

Дараагийн алхам

• Баталгаажсан бизнес — Live горимын эхний шаардлага
• Банкны данс — төслийн данс тохируулах
• Эхлүүлэх заавар — бүртгэлээс эхний төлбөр хүртэлх бүтэн зам